ОҚО кәсіпкерлері Елбасы ұсынған 100 қадамға қатысты пікірлерімен бөлісті
Оңтүстік Қазақстан облысында шағын және орта бизнес өкілдері Елбасы ұсынған 100 қадамның ел экономикасын өрге сүйрейтініне сенімді.
Оны жүзеге асырыла бастаған шаралардың бағытына қарап шамалап отыр. Өңірде кәсіпкерлердің мүддесі сот және екі арадағы келісім арқылы қорғалып, 213 млн теңге қалталарында қалды. Бұл елдегі Елбасы Нұрсұлтан Назарбаевтың 5 конституционалдық реформасының алғашқы жемісі деп санайды. Кәсіпкерлер елдің жалпы ішкі өнімінің, кем дегенде, 30%-ызын шағын және орта бизнестің өнімі құрауы керек деген бағытты өте дұрыс деп бағалайды.
Ғазизбек Натбаев, облыстық кәсіпкерлер палатасы директорының орынбасары:
- Елбасының 100 қадамы еліміздің, мемлекеттілігіміздің және экономикамыздың одан әрі қарай дамып, Елбасының 2050 жылға дейінгі бағдарламасында көзделген 30 дамыған мемлекеттің қатарына қосылуға алғышарт дайындайды.