Бастау: Мүмкіндігі шектеулі жан кәсібін дөңгелетіп отыр
Шардара ауданының тұрғыны, мүмкіндігі шектеулі, ІІІ топ мүгедегі Ғалия Жолдасова кезінде тігіншілікпен де, аспаздықпен де айналысқан. Қолынан іс келетін Ғалия ағымдағы жылы «Бастау» жобасында оқып, кәсіпкерлік білімін арттырған. Бүгінде кәсіпкер әйел үй жағдайында тұшпара түюді қолға алған. Отбасылық бизнесті жөнге қойған азаматша айына 1 тоннаға дейін өнім дайындай алады. Кәсібін кеңейтуге де ниетті.
«Мен дұңған мантысын, пельмен, вареники түйемін, қысты күндері голубцы істеймін. Барлығы қолжетімді баға, өтіп жатыр. Сұраныс өте көп менде. Магазиндерім де көп менде өткізетін. Совхоздардан да келіп алып кетіп жатыр. Адамдарды көп қабылдауға жағдайым жоқ. Күніне 20-25 кг шығарам. Егер кішкене болса одан да көп шығаруға мүмкіндігім бар. Екі адамды жұмыспен қамтып отырмын», - дейді кәсіпкер әйел.
Айта кетейік, ағымдағы жылы Шардара ауданы бойынша 188 тұрғын "Бастау бизнес" жобасында білім алған.
Түркістан облысы кәсіпкерлер палатасы директоры Тимур Нақыпбеков кәсіп ашқан азаматтарға сәттілік тіледі.
