2022 жылы «ҚазМұнайГаз» әлемнің үздік 16 компаниясының қатарына енуді көздеуде

2022 жылы «ҚазМұнайГаз» мұнай қоры бойынша әлемнің үздік 16 компаниясының қатарына енуді көздеп отыр. Бұл туралы ҚР Премьер-министрі Серік Ахметовтың қатысуымен өткен Мұнай және газ министрлігінің кеңейтілген алқа отырысында «ҚазМұнайГаз» ҰК» АҚ басқарма төрағасының орынбасары Құрманғазы Есқазиев мәлімдеді, деп хабарлайды BNews.kz тілшісі.
«2013 жылы Қазақстанда шығарылатын көмірсутектердің ресурстық әлеуеті 22-ден 76 млрд тонна отынға дейін өсті», - деп атап өтті ол.
Оның айтуынша, үздік компаниялардың қатарына қосылу өндірілетін мұнай қорын ұлғайтуға мүмкіндік береді.
«ҚазМұнайГаз» стратегиясының қабылдануына сәйкес, 2020 жылға дейін компанияның алдында бірқатар міндеттер тұр. 2020 жылы біз мұнай қоры бойынша әлемнің үздік 16 компаниясының қатарына енуді көздеп отырмыз. Бұл компанияның қазіргі 812 млн тонна қоры 1,4 млрд тонна сұйық көмірсутекке дейін ұлғайтылады деген сөз», - деді «ҚазМұнайГаз» ҰК» АҚ басқарма төрағасының орынбасары Құрманғазы Есқазиев.
BNews.kz