Былтыр Қазақстанға жаңа машина импорттау көлемі екі есеге жуық артқан
Қазақстанда былтыр 130,7 мың жаңа автомобильді импортталған, 2012 жылы бұл 76,7 мың болатын. Елімізге Ресейден 87 мың жаңа көлік әкелініпті. Бұдан кейінге ірі импортер Жапония мен Өзбекстан (14,3 мың және 13,7 мың). Бүгін Алматыда өткен баспасөз мәслихатында Қазақстан автобизнес қауымдастығының президенті Андрей Лавреньтьев осылай мәлім етті, деп хабарлайды BNews.kz тілшісі.
Баспасөз мәслихатында автобизнес қауымдастығының еліміздегі автомобиль нарығындағы маркілердің үлесі бойынша зерттеуі жария етілді. 2013 жылы нарықтағы ең көп үлес LADA маркісіне тиесілі (37,4%), оның саны 57 мың көлік. Алайда LADA саны 2012 жылмен салыстырғанда 3%-ға төмендеген. Екінші орында Toyota бренді, оның деңгейінде аса көп өзгеріс жоқ (1,4% азайған).
«2013 жылы Қазақстанға жаңа импорттық маркілер әкелінді. Дәлірек айтсақ, британ-қытай бренді Morris Garages (жеңіл автомобильдер) пен француздық Peugeot брендінің (жеңіл және коммерциялық автомобильдер) ресми сатылымы ашылды. Коммерциялық техника саудасы сегментінде сатылым көлемі артты. Оның басым бөлігі GAZ-ға (55,7%) тиесілі, UAZ (кестеде екінші орында) 2012 жылғымен салыстырғанда 516 машина көп сатты. Яғни оның нарықтағы үлесі артып 24,9%-ға жетті», - дейді қауымдастық президенті.
Елміздегі жеңіл автомобиль өндірісіне қатысты А.Лавреньев жақын арада отандық машина жасаудың артатынын болжап отыр.
«Ең тартымды сегмент бұл – сұраныстың 48 пайызын иемденген жеңіл автомобиль өндірісі болып табылады, ал сонымен бірге жүк көлігі де сұранысқа ие, өйткені қолданыстағы парктің тозығы жеткен және экономиканың әлеуеті артып отыр. Өскеменде жаңа өндірістік қуат артқандықтан («Азия Авто» АҚ-ның) таяу арада отандық автомобиль шығару саны да өседі», - дейді ол.
BNews.kz
