Жекеменшік балабақшалар мәселесі қаралды
Нұр Отан партиясының облыстық бақылау комитетінің отырысында Түркістан облысының, Сауран, Сарыағаш аудандары мен Кентау қаласындағы жекеменшік балабақшалардың алдындағы жергілікті атқарушы органның жан басына шаққандағы төлемдер бойынша жыл соңына дейін берешек қарызын төлеу мәселесін қарастылды.
Жиынға қатысқан Түркістан облысы кәсіпкерлер палатасы директоры Тимур Нақыпбеков жекеменшік балабақшалар қауымдастығы берген мәлімет бойынша, аталған аудандарда жыл соңына дейін балабақшалар алдында 900 млн теңге көлемінде қаржы жетіспеушілігі туындауы мүмкін. Еске сала кетейін, өткен жылы дәл осы аудандарда аталған проблема орын алып, мәселе Атамекен мен Нұр Отан партиясының атсалысуымен шешілгендігін айтып өтті.
Бақылау комитетіне арнайы шақырылған облыстық Адами әлеуетті дамыту басқарма басшысы Р.Қ. Жолаев мәселеге қатысты мәлімет берді. Комитет жұмысының қорытынды бойынша Сауран және Кентау аудандары бойынша қаражат толық төленіп, Сарыағаш ауданы бойынша ( 580 млн теңгеге жуық) берешектің төленуі арнайы бақылауда болатын болды.
