Ashyq: Түркістан облысында жобаға қосылуға екі мыңға жуық өтінім түсті
Бүгінде өңірде Ashyq бағдарламасына нысандарды тіркеу жалғасып жатыр. Облыс бойынша «Ashyq» жобасына қосылуға барлығы 1 705 өтінім түскен, оның 1 551-і қосымша арқылы жұмыс жасауда. Ал тіркеудің ең көп саны бойынша жоба көшбасшыларының тізімінде 24 нысан бар. Барлық тізімдер облыс әкімдігінің сайтына жарияланған және апта сайын жаңартылып отырады.
Бұл туралы Түркістан облысы кәсіпкерлер палатасы директоры Тимур Нақыпбеков мәлімдеді.
«Ashyq» бағдарламасы арқылы 20-мамырдан 28-шілде аралығында коронавирус індетін жұқтырған 29 науқас «қызыл» мәртебесімен анықталған.
Сонымен қатар, жобаға қосылған, алайда келушілерді тіркемей кіргізген мекемелер жобадан уақытша шеттетіледі.
Айта кетелік, Ashyq жобасымен жұмыс істейтін нысандарға келушілер Ashyq қосымшасымен қатар Aitu, Egov mobile, Kaspi.kz, Halyk Homebank, Sberbank.kz платформаларын қолдана алады.
